Tag Archives: சேலம்

தே.மு.தி.க வேட்பாளர் சேலம் அழகாபுரம் மோகன்ராஜ்


சேலம் பாராளுமன்ற வேட்பாளர்கள் அறிமுகம் 1: அழகாபுரம் மோகன்ராஜ்

சேலம் பாராளுமன்றத்தொகுதியில் தே.மு.தி.க சார்பாக நிற்பவர் அழகாபுரம் மோகன்ராஜ். இவரைப்பற்றி;

mr

மறைந்த வாழப்பாடி ராமமூர்த்தியின் தீவிர சிஷ்யர்களில் ஒருவரான மோகன் ராஜ், சேலம் தே.மு.தி.க வேட்பாளராக களம் நிற்கிறார். தீவிர காங்கிரஸ்காரர் மோகன்ராஜ். வாழப்பாடி ராமமூர்த்தி காங்கிரஸை விட்டு வெளியேறிய போது அவருடன் இணைந்து மோகன்ராஜும் வெளியேறினார். பின்னர் வாழப்பாடியார் ராஜீவ் காங்கிரஸைக் கலைத்து விட்டு திவாரி காங்கிரஸில் இணைந்தபோது மோகன்ராஜும் உடன் சென்றார். பின்னர் காங்கிரஸை விட்டு வெளியேறினார். விஜயகாந்த் தேமுதிகவைத் தொடங்கியபோது மோகன்ராஜும் அதில் இணைந்தார்.

தேர்தலில் போட்டியிடுவது குறித்து அழகாபுரம் மோகன்ராஜ் நிருபர்களிடம் கூறும்போது, “எங்கள் கட்சியின் தலைவர் விஜயகாந்த் ஏற்கனவே கூறியபடி நாங்கள் மக்களுடனும், தெய்வத்துடனும்தான் இந்த தேர்தலில் கூட்டணி வைத்துள்ளோம். சேலம் எம்.பி. தொகுதியில் போட்டியிட, விஜயகாந்த் எனக்கு வாய்ப்பு கொடுத்துள்ளார். மக்களின் ஆதரவுடனும், எங்கள் கட்சியின் அனைத்து தோழர்களின் ஒத்துழைப்புடனும், சேலம் தொகுதியில் வெற்றிபெற்று, வெற்றிக்கனியை விஜயகாந்த் காலடியில் சமர்ப்பிப்பேன்.

55 வயதாகும் மோகன்ராஜ் 1986-ம் ஆண்டு முதல் 1991-ம் ஆண்டு வரை அழகாபுரம் பஞ்சாயத்து தலைவராக பணியாற்றி உள்ளார். இவர் 17 வயதில் மாணவப் பருவத்திலிருந்தே அரசியலில் ஈடுபட்டு வருகிறார். மோகன்ராஜின் குடும்பம் நீண்ட நெடிய அரசியல் பின்னணியைக் கொண்டது. 96-ம் ஆண்டு திவாரி காங்கிரஸ் சார்பில், சட்டமன்ற சேலம் 2-வது தொகுதியில் போட்டியிட்டார். மோகன்ராஜ் பி.எஸ்.சி. பட்டப்படிப்பு வரை படித்துள்ளார். இவரது சகோதரர் சுரேஷ்குமார்(அ.தி.மு.க.வை சேர்ந்தவர்) சேலம் மாநகராட்சி முன்னாள் மேயர் ஆவார்.

குலதெய்வம் கோவிலில் சாமி கும்பிட்டுவிட்டு சேலம் தொகுதி தே.மு.தி.க. வேட்பாளர் பிரசாரம் தொடங்கினார்

இவருடைய தேர்தல் வாக்குறுதிகள்

  • சேலம் மாநகரில் மக்களை அவஸ்தைக்குள்ளாக்கும் கொசுத் தொல்லை உள்ளிட்டவற்றை ஒழிக்க பாடுபடுவேன்
  • தேர்தலில் வெற்றி பெற்றால் விவசாயிகளின் குறைகளை போக்க பாடுபடுவேன்
  • மத்திய அரசின் உதவியோடு இரும்பாலை விரிவாக்க திட்டம்
  • சேலம் விமான நிலையத்தை முழு அளவில் இயங்கச் செய்யும் திட்டம்
  • ஏழை மக்களுக்கு மத்திய அரசின் தொகுப்பு வீடுகள் திட்டம் மூலம் வீடு கட்டித்தர நடவடிக்கை
  • மாவட்ட மக்களின் அடிப்படை பிரச்சினைகளை தீர்த்து வைக்க  நடவடிக்கை

இச்செய்திகள் பலத்தளங்களிருந்து திரட்டப்பட்டவை. ஏதேனும் தவறு/காப்புரிமை பிரச்சினை இருந்தால் தயவுசெய்துத் தெரிவிக்கவும்

தமிழிஷில் ஒட்டு போட இங்கு க்ளிக்குங்கள்

நன்றி thatstamil.oneindia.in

Advertisements

சேலம் தொகுதி


சேலம் தொகுதிப் பற்றிய இத்தகவல்கள் பலத்தளங்களிருந்து திரட்டப்பட்டுள்ளது. சேலம் எனது சொந்த ஊர் என்பதால் இப்பதிவு.

தொகுதி எல்லை மறுசீரமைப்பு நடவடிக்கையில் திருச்செங்கோடு தொகுதியில் இடம் பெற்றிருந்த எடப்பாடி சட்டப்பேரவைத் தொகுதி சேலம் மக்களவைத் தொகுதியின் கீழ் வந்துள்ளது. ஏற்காடு(தனி) தொகுதி நீக்கப்பட்டு, கள்ளக்குறிச்சி தொகுதியுடன் சேர்க்கப்பட்டுள்ளது.

1952 ஆம் ஆண்டு ஏற்படுத்தப்பட்ட இத்தொகுதி பெரும்பாலும் காங்கிரஸின் கோட்டையாகவே இருந்து வந்துள்ளது. எஸ்.வி. ராமசாமி, கே. ராஜாராம், ரங்கராஜன் குமாரமங்கலம், வாழப்பாடி ராமமூர்த்தி (சுயேட்சையாக), கே.வி. தங்கபாலு, செல்வகணபதி போன்ற பிரபலங்கள் சேலம் மக்களவைத் தொகுதியில் இருந்து தேர்ந்தெடுக்கப்பட்டவர்கள். இதில் எஸ்.வி.ராமசாமி மற்றும் ரங்கராஜன் குமாரமங்கலம் 3 முறை எம்.பியாகியுள்ளனர்.

கடந்த 1952, 1957, 1962, 1984, 1989, 1991 தேர்தல்களில் காங்கிரஸ் கட்சி வெற்றி பெற்றது. 1967, 1971, 1980 தேர்தல்களில் திமுகவும், 1977, 1999 தேர்தல்களில் அஇஅதிமுகவும் வெற்றி பெற்றன.

காங்கிரஸ் தலைவராக இருந்த வாழப்பாடி ராமமூர்த்தி, 1998ஆம் ஆண்டு சுயேட்சையாக வெற்றி பெற்றார். 1996ஆம் ஆண்டில் த.மா.கா. இத்தொகுதியைக் கைப்பற்றியது.

கடந்த தேர்தலில் கே.வி. தங்கபாலு (காங்கிரஸ்) 4 லட்சத்து 44 ஆயிரத்து 591 வாக்குகள் பெற்று வெற்றி பெற்றார். அவரை எதிர்த்து களமிறங்கிய ராஜசேகரன் (அஇஅதிமுக) 2 லட்சத்து 68 ஆயிரத்து 964 வாக்குகள் பெற்று தோல்வியடைந்தார்.

இத்தொகுதியில் உள்ள சட்டப்பேரவைத் தொகுதிகள்: ஓமலூர், எடப்பாடி, சேலம் மேற்கு, சேலம் வடக்கு, சேலம் தெற்கு, வீரபாண்டி.

ஓமலூர் – தமிழரசு (பாமக)
எடப்பாடி – காவேரி (பாமக)
சேலம் 1 – ரவிச்சந்திரன் (அதிமுக)
சேலம் 2 – எஸ்.ஆறுமுகம் (திமுக)
வீரபாண்டி – ராஜேந்திரன் (திமுக)

கடந்த தேர்தல் நிலவரம்

தங்கபாலு (காங்கிரஸ்) – 4,44,591.
ராஜசேகரன் (அதிமுக) – 2,68,964.
வெற்றி வித்தியாசம் – 1,75,627 வாக்குகள்.

இதுவரை எம்.பியாக இருந்தவர்கள்

1952-57 – எஸ்.வி.ராமசாமி – காங்கிரஸ்.
1957-62 – எஸ்.வி.ராமசாமி – காங்கிரஸ்.
1962-67 – எஸ்.வி.ராமசாமி – காங்கிரஸ்.
1967-71 – கே.ராஜாராம் – திமுக.
1971-77 – இ.ஆர்.கிருஷ்ணன் – திமுக.
1977-80 – ப.கண்ணன் – அதிமுக.
1980-84 – சி.பழனியப்பன் – திமுக.
1984-89 – ரங்கராஜன் குமாரமங்கலம் – காங்கிரஸ்.
1989-91 – ரங்கராஜன் குமாரமங்கலம் – காங்கிரஸ்.
1991-96 – ரங்கராஜன் குமாரமங்கலம் – காங்கிரஸ்.
1996-98 – ஆர்.தேவதாஸ் – தமாகா.
1998-99 – வாழப்பாடி ராமமூர்த்தி – சுயேச்சை.
1999-04 – டி.எம். செல்வகணபதி – அதிமுக.
2004 – கே.வி.தங்கபாலு – காங்கிரஸ்.

முதல் தேர்தல்

நடந்த ஆண்டு – 1952.
வென்றவர் – எஸ்.வி.ராமசாமி (காங்கிரஸ்).

நன்றி: http://tamil.webdunia.com மற்றும் தினமலர்

சேலம் தேர்தல் நிலவரம் பற்றி அதிக தகவல்களை தர முயற்சிக்கிறேன்.

கன்னாபின்னாச் செய்திகள் 5


ஜோத்பூர்: பாகிஸ்தானிலிருந்து, இந்தியாவுக்குள் ஊடுறுவுவதற்கு வசதியாக, பாகிஸ்தான் ஊடுறுவல்காரர்கள் போட்ட சுரங்கப் பாதை கண்டுபிடிக்கப்பட்டுள்ளது. ராஜஸ்தான் மாநிலம் …

ஏன் இவ்ளோ கஷ்ட படறீங்க, அரசை கேட்டா உங்களுக்காகவே தனி ரயில், பஸ் விடுவாங்களே!

தீவிரவாதத்தின் பிறப்பிடமாக இருந்தாலும் இந்தியாவின் நட்பு நாடாகவே பாகிஸ்தான் இருக்கிறது சிதம்பரம்

பாகிஸ்தான்: இன்னுமா நம்பளை நம்பிக்கிட்டு இருக்காங்க?

ஐடி துறையில் முதலீடு செய்வது வீண் .. கூறுகிறார் ஆற்காடு வீராசாமி

அதற்கு பதிலாக மெழுகுவர்த்தி, தீப்பெட்டி தொழிற்சாலைகள் ஆரம்பிக்கலாம்.

நமது அண்டை நாடுகளில்  இலங்கையை தவிர வேறு எந்த நாட்டிலும் நிலையான ஜனநாயகம் இல்லை ப.சிதம்பரம்

அப்படியா!

தமிழக காங்கிரஸ் கட்சி, ‘எங்களுக்கு அறவழியும் தெரியும்; அதற்கு அடுத்த வழியும் தெரியும்’ என்று எச்சரிக்கை விடுத்துள்ளது.

எது புற வழியா?

யோகா தொடர்பாக அடிக்கடி சென்னைக்கு வருவேன். எனக்குப் பிடித்த ஊர்களில் மெட்ராஸும் ஒன்று. சில்பா ஷெட்டி

நம்பிடாதீங்க, இதையே ஹைதராபாத்லையும் சொல்லுவாங்க.

நான் கொடுத்தது லஞ்சம் அல்ல – ஸ்டாலின். தேர்தல் பிரச்சாரத்தில் ஈடுபட்டிருந்த போது புதிதாக பிறந்த ஒரு குழந்தைக்கு வாழ்த்து கேட்டபோது, தான் பிறந்த நாள் பரிசு கொடுத்ததாக அவர் கூறியுள்ளார்.

ஒன்னும் சொல்லறதுக்கில்லை

சத்யம் நிறுவனத்தில் நடந்த கோல்மால்களை வைத்து ராம் கோபால் வர்மா ஒரு படம் எடுப்பதற்காக சத்யம் நிறுவன நிதி ஆவணங்களை ஆராய்ந்துள்ளார் என்று நம்ப முடியாத வட்டாரங்கள் தெரிவிக்கின்றன.

திருமங்கலம் தொகுதி இடைத் தேர்தலில் கிடைத்த வெற்றி திமுக அரசின் சாதனைகளுக்கு கிடைத்த அங்கீகாரம்: கருணாநிதி

திமுகவின் வெற்றி ஓர் மாயை: விஜயகாந்த்

பணம் பலம் வென்று விட்டது: ஜெயலலிதா

இதுவே அதிமுக ஜெயித்திருந்தால் என்ன ஆகி இருக்கும்

அதிமுகவின் வெற்றி ஓர் மாயை: கருணாநிதி

பண பலத்தையும் மீறி மக்கள் எங்களுக்கு ஒட்டு போட்டதற்கு அதிமுக மீது வைத்து இருக்கும் நம்பிக்கைதான் காரணம் – ஜெயலலிதா

இந்த வண்ணத்தில் இருப்பவை நிஜச் செய்திகள். இவ்வண்ணத்தில் இருப்பவை கன்னாபின்னாச் செய்திகள்.

சேலம் தினம்


நவம்பர் 1 (இன்று தான்) சேலம் தினமாக கொண்டாடப்படுகிறது.

சேலம் நகராட்சி 1866ம் ஆண்டு நவம்பர் 1ம் தேதி வெள்ளையர்களால் உருவாக்கப்பட்டது. அதை குறிக்கும் விதமாக இனி வரும் ஒவ்வொரு நவம்பர் 1ம் தேதி சேலம் தினமாக கொண்டாடப்படவுள்ளது.

அப்போதைய சேலம் நகராட்சி அவைத்தலைவராக(chairman) இருந்தவர் அர்புத்னாட் (Arbuthnott), 1917 ல் ராஜாஜி அவைத்தலைவராக இருந்தார். சேலம் ஜூன் 1 1994 ல் மாநகராட்சியாக ஆனது. டாக்டர் சூடாமணி அப்போதைய மேயராக இருந்தார். இப்போது ரேகா பிரியதர்ஷிணி மேயராக உள்ளார்‌(இவர்தான் சேலத்தின் முதல் பெண் மேயர், தமிழகத்திலியே இவர்தான் முதலா? தெரிந்தால் பின்னூட்டத்தில் தெரிவிக்கவும்)

சேலம் வரலாறு
இப்பதிவின் மூலம், நன்றி தருங்

சேலம் பற்றிய அதிக தகவல்களை நேரம் கிடைக்கும்போது தொகுத்தளிக்கிறேன்.

சேலம் பற்றிய தகவல்களை அன்றாடம் அறிய

சுத்த அசைவம்


சுத்த சைவ உணவகங்கள் கேள்விப்பட்டிருப்பீர்கள், ஆனால் சுத்த அசைவ உணவகங்கள் பற்றிக் கேள்விப்பட்டிருக்கிறீர்களா?

சென்ற வாரம் சேலம் சென்றிருந்தப்போது வீட்டுப்பக்கமுள்ள ஒரு மெஸ்ஸுக்கு போயிருந்தேன். அங்கு பார்த்த அறிவிப்பு பலகை தான் இது

என்ன அக்கறைப் பாருங்கள், சாப்பிடும்போது செல்போன் பேசுவதை தவிர்க்க சொல்கிறார்கள்.

தென்னிந்தியா – தமிழகம்


பொதுவாக வட இந்தியர்கள் தென்னிந்தியர்களை மதராசி என்று குறிப்பிடுவது/கூப்பிடுவது வழக்கம்.  இது பொதுவாக தமிழகத்தை சாராதவர்களுக்கு பிடிக்காது என்று மட்டுமே அவர்கள் (தமிழகத்தை சாராதவர்கள்) நினைத்துக்கொண்டிருக்கிறார்கள். ஆனால் என்னை பொருத்த வரை  தமிழகத்தை சார்ந்தவர்களுக்கும் கூட மதராசி என்று விளிப்பது பிடிக்காது. நம்மை பொருத்த வரையில் மதராசி என்பது நக்கலாக சொல்வதற்கும் கேலி செய்வதற்கும் வடக்கத்தியர்கள் உருவாக்கிய வார்த்தை. ஆனால் இப்பொழுது எனக்கு தெரிந்து பொதுவாக யாரும் “மதராசி” என்று உபயோகிப்பதில்லை.

அது போலவே சில ஊடகங்களில் தென்னிந்தியா என்றால் அது தமிழகம் என்று ஒரு மாயையை உருவாக்குகிறார்கள். அது மற்ற தென் மாநிலத்தை சேர்ந்தவர்களுக்கு தேவை இல்லாத ஒரு உணர்வை உருவாக்கிறது.

இதற்கு ஒரு உதாரணம் (இது நான் படித்துத் தெரிந்துக் கொண்டது) ஒரு செய்தி தொலைக்காட்சியில் ராமர் பாலத்தை பற்றிய ஒரு விவாதம் நடந்துக் கொண்டிருந்தது. அதில் தமிழகத்தை சேர்ந்த ஒருவர் தமிழகத்தில் ராமருக்கு கோவில்கள் கிடையாது, தமிழக மக்கள் ராமரை அதிகமாக வழிப்படுவது இல்லை என்று சொன்னாராம் (அப்படியா?). அதனை கேட்டு அந்த நிகழ்ச்சியை வழி நடத்தி வந்தவர் அதை இப்படி சொன்னார், “தென்னிந்தியாவில் ராமர் வழிபாடு கிடையாது”. இந்நிகழ்ச்சியைப் பார்த்த எனது அலுவலக நண்பர் (அவர் தமிழகத்தை சார்ந்தவரல்ல) தமிழத்தில் ராமர் வழிபாடு இல்லையென்றால் அதை என் பொதுவாக தென்னிந்தியா என்று அர்த்தம் கொள்ள வேண்டும் என்று அவருடைய வலைப்பதிவில் கேள்வி எழுப்பி இருந்தார். எனக்கு அவருடைய கேள்வி நியாயமான ஒன்று என்று தான் படுகிறது.

இது இப்படியென்றால்,  இன்னொரு புறம் நான் தமிழகத்தை சேர்ந்தவன் என்று மற்ற மாநிலத்தவர்களுக்கு தெரிய வந்தால் அவர்கள் உடனே கேட்கும் கேள்வி “நீ சென்னையை சேர்ந்தவனா?”. இதுவும் ஒரு வகையில் சங்கடத்திற்கு உள்ளாக்கும் கேள்வி. தமிழகத்தை சேர்ந்தவன் என்றால் பொதுவாக ஏன் எல்லோரும் சென்னையை சேர்ந்தவன் என்று நினைக்க வேண்டும், நான் அதற்கு “நான் சேலத்தை சேர்ந்தவன், சென்னையை சேர்ந்தவன் அல்ல” என்று பதில் கூறுவேன்.

KS தியேட்டர்


KS தியேட்டரை அறியாத சேலத்துக்காரர்கள் இருக்க முடியாது (10 வருடங்களுக்கு முன்பு, ஆனால் இப்பொழுதும் அப்படி என்றுதான் நினைக்கிறேன்). இப்பொழுதும் அந்த தியேட்டர் இருக்கிறது. ஆனால் அதில் படங்கள் இப்பொழுது திரையிடுகிறார்களா என்று எனக்கு தெரியவில்லை.

KS தியேட்டர், “KS தியேட்டர்” ஆக மாறுவதற்கு முன்பு “VPS‌ தியேட்டர்” என்று இருந்தது. அதில் எப்பொழுதும் பழைய படங்களையே திரையிடுவார்கள். சிறு வயதில் நாங்கள் குடும்பத்தோடு “சங்கர் குரு” என்ற படத்தை VPS‌ தியேட்டரில் பார்த்தோம்.

பின் VPS‌ தியேட்டரை வேறு ஒரு குழுமம் வாங்கி “KS தியேட்டர்” என்று பெயரிட்டார்கள். அதில் முதன்முதலில் விஜயகாந்த் நடித்த திருமூர்த்தி படத்தை திரையிட்டார்கள். அதற்கு அப்படத்தில் நடித்த கலைஞர்கள் வந்து இருந்தனர் (விஜயகாந்த் உட்பட). KS தியேட்டரில் புதுப்படங்களை மட்டுமே திரையிட்டு வந்தார்கள். சில மாதங்களுக்கு பிறகு அதில் ஆங்கில படங்கள் மட்டும் திரையிட ஆரம்பித்தார்கள். திரையரங்கை நன்றாக பராமரிப்பார்கள். இப்பொழுது எப்படி இருக்கிறதென்று தெரிய வில்லை.

KS தியேட்டர் எங்கள் வீட்டிற்கு பக்கம் வேறு இருந்தது. பாலிடெக்னிக் நண்பர்கள் கூட்டத்தோடு வார இறுதி நாட்களில் KS தியேட்டருக்கு சென்று விடுவோம். அப்படி நாங்கள் பார்த்த படங்களில் சில: Rumble in the bronx,Eraser, Species. சில சமயங்களில் அதில் ஹிந்தி படங்களும் திரையிட்டார்கள். அப்படி நான் பார்த்த படம் “ராஜா ஹிந்துஸ்தானி”, பார்த்த பின்பு தான் அது ரொம்ப வருடங்களுக்கு முன்பு ரஜினி நடித்த படத்தின் ஹிந்தி பதிப்பு என்று.

பின்பு நான் 1997ல் கோவைக்கு பொறியியல் படிப்பிற்காக சென்று விட்டேன். ஆனால் பெரும்பாலும் ஒவ்வொரு வார இறுதியிலும் நான் சேலம் வந்து விடுவேன். KS‌ தியேட்டரில் அப்பொழுது பெரும்பாலும் ஒவ்வொரு வாரமும் படம் மாற்றுவார்கள். ஆகவே நானும் எனது நண்பன் சீனிவாசனும் ஒவ்வொரு வாரமும் புதுப்படம் பார்த்து விடுவோம். அப்படி நாங்கள் பார்த்த படங்களில் நினைவுக்கு வருபவை சில “‌Ransom, Jurassic Park 2”.

படித்து முடித்து சென்னையில் வேலை கிடைத்து சென்னை சென்ற பின், சேலத்துக்கு மாதம் ஒரு முறை தான் வர முடிந்தது. தவிர சீனிவாசனுக்கு மைசூரில் வேலை கிடைத்து அவனும் மைசூர் சென்று விட்டான். அவன் சேலம் வருவது 2-3 மூன்று மாதங்களுக்கு ஒரு முறை. அதனால் படம் பார்க்கும் வழக்கமும் குறைந்தது.

காலம் மாறி விட்டது. ஆர்குட்டில் நான் “ARRS Multiplex” க்கு குழுமங்களை பார்த்து இருக்கிறேன். என்னை(ங்களை) போன்று KS திரையரங்கிற்கு ரசிகர்கள் இருக்கிறார்களா இன்னும்?